Baie welkom hier by Brackendal se webblad – as dit ‘n eerste “besoek” is en jy dalk hier op ons webblad kuier om meer van ons te leer laat ons asb toe om jou meer van Brackendal te vertel...

Ons storie strek al oor 40 jaar (4 September 1983). Wanneer jy by ons kerk so voorportaal inloop is dit ‘n gedruis van stemme soos ons gemeente lede mekaar verwelkom, opvang met die week se gebeure, ens ens ens ens.

En dit is wat ons is – ‘n Familie in Christus waar ons God saam verheerlik, omgee vir mekaar en in liefde en hoop uitreik na mekaar en ons omgewing. Dit is dan ook ons missie:

As familie in Christus verheerlik ons God, gee ons vir mekaar om en reik ons uit in Liefde met Hulp en Hoop in ons omgewing

Sondag oggend eredienste is die brandstof wat ons nodig het vir die week, deur die week is daar verskillende groepe wat bymekaar kom om verder te bou aan Brackendal, ons kantoor personneel, onderhoud spanne, kerkraad, erediens beplanning, Manna Projek (voedsel uitreik na minder bevoorregtes), Laat Oes Lidmate (senior lidmaat bediening), kategese, sang bediening, finansies – alles deel van een liggaam om Brackendal van krag tot krag te laat groei, en dit is wat vir ons kosbaar is – God, ons liefde vir Hom, vir mekaar en vir ander.

Dus, terwyl jy nou hier op ons webblad rondwandel hoop ons dat ons opgewondenheid oor God en Brackendal aansteeklik is en as jy dalk meer wil leer, meer wil beleef van ons gemeente, nooi ons jou uit om by ons te kom kuier, nie net in die Kuber ruimte nie maar eintlik sommer een Sondag oggend 09h00 by ons gebou in te loop en te beleef waaroor Brackendal in lewende lywe gaan – ons glo en vertrou dat die warm omgee van ons mense sal deursuipel in alles wat ons doen, se en hoe ons die Here daardeur loof en prys.
As jy dalk nou al ‘n gesoute Brackendaller is – welkom weer en geniet die reis op ons webblad en die waardevolle inligting wat ons hier beskikbaar het.